彩福皇宴 (已結業)

今日放假同朋友來到銅鑼灣飲茶，見到呢間彩福皇宴咁多人排隊，就知好食啦，我同朋友就攞飛排下，都等咗半個鐘先有位，入面好满座熱鬧。叉燒腸，即整熱辣辣，腸粉皮好薄而通透，咬落好滑溜香甜，一口即溶的口感，叉燒份量多，嫩滑惹味。得獎點心系列，旋風黃色流沙包，外型賣相好特別，一咬開係熱辣辣的流沙蛋黃，好香濃奶黃味，味道一流，加上軟熟的麵包，味道好夾。濃湯鮮蝦水餃皇，湯底清甜易入口，水餃皮薄餡靚，入口好滑溜，餡主要係蝦肉同少少木耳，好彈牙爽口。另一個得獎點心，原隻鮑魚燒賣皇，鮑魚好大粒，擺在面上好吸引，肉質煙韌鮮甜，燒賣的蝦肉份量多，皮夠薄，豬肉比例適中，夠彈牙。䜴味蒸鳯爪，咬落淋身入味，有少量蒜蓉調味，底仲有南瓜吸晒啲滋味醬汁。甜品 紫醉金迷，係用紫薯整成的千層糕咁，咬落皮好煙韌，紫薯蓉味道清甜美味。