餐具，枱上有一壺普洱，茶味還好。
點心紙都有幾多野揀，有唔少特式點心。點心紙印刷精美，中英對照仲有圖。太多野想食，是日真係叫左唔少，堆滿枱呀！
豐料杏汁燉豬肺湯($38/盅)
豬肺要洗實在太麻煩，見到呢度有得叫梗係要試下，一個盅頭上，份量算幾大碗，內裏除左豬肺，仲有雞腳，排骨等。湯是奶白色的，濃濃嘅杏仁味，清甜好飲，冬天滋潤之選。
譚點海皇大湯包($48/1)
之前係某飲食雜誌見有介紹過呢個大湯包，記得當年介紹嘅時候話可以用吸管飲，雖然今次無比到吸管，但其實咁熱，會唔會燙嘴架？！
捅開個皮，啲海鮮湯即刻湧出黎，內不少蟹粉，蟹肉等，十分香濃，皮有韌度得黎並不厚身，吃罷整個其實都幾飽肚。
叉燒黃金甲($24/3)
黃金甲其實係只個脆香皮，有啲似菠蘿包又有啲似墨西哥包，一口咬下果真十分香脆，內裏包著叉燒餡，半肥瘦叉加上不過甜嘅叉燒醬汁，比起一般嘅叉燒包更有口感，又無叉燒酥嘅油膩，好食。
低糖綠茶流沙包($24/3)
果然不是太甜，包身綠茶味十足，少少嘅苦澀加上甜甜地嘅流沙奶皇餡十分夾，實在讓人不住一口吞下。
黑松露石榴菓($20/2)
素食可，強烈嘅黑松露味撲鼻而黎，皮韌但不過厚，內裏很juicy，外表很可愛呢。
黃金千絲銀蘿腸($24/6)
素食可，香脆但不油膩，皮韌而不黏口，腸粉嫩滑，一絲絲蘿蔔口感唔錯。
甘筍咸水角($20/4)
外形有趣，咸水角餡多調味唔錯，size剛好，而且唔油，食完都唔會內疚。
十勝豆桂花砵仔糕($10/1)
一口size，唔甜，少少桂花香，賣相精緻。
桂花紅酒燴雪梨
紅紅的雪梨吸盡紅酒，十分芳香，甜甜的很滋潤，記得這款甜品以前在酒店才能吃到，沒想過譚點可出得如此出色，必試呢！
滿足味蕾的一餐，食肚抱住個肚行出黎。
