打邊爐

营业中

休息中

在打邊爐食打邊爐，幾有 噱頭既名！店員好親切有貌，幾窩心既感覺！用 i pad落單，方面簡單，價錢唔貴都幾抵食！叫左餐廳自家製竹蔗茅根和檸檬薏米水，非常香甜！而且甜得自然，夠足料，清新解渴！風沙椒鹽粟米，用咗避風塘嘅做法，令到粟米更加香，蒜粒嘅香味再加辣椒！十分之惹味，愛不釋口！湯底叫了鮮椰青雞鍋配料，非常之豐富！店員即場炮製！鮮椰青肉，椰青水令到個湯底非常的清甜！再加上大量鮮雞，再有牛油加持！香上加香！非常足料！先飲啖湯，椰子香味真係非常之正！鮮雞都夠嫩，個湯底真係不得之了！廣島蠔夠鮮香，蠔肉夠飽滿漲卜卜熟左都冇乜縮水，味道香濃又夠鮮，好食！安格斯肥牛，色澤紅潤非常吸引！味道幾有牛味，夠嫩好好食！唔使多加調味都好正。xo醬鮑魚蝦餃皇，皮薄餡靚，個餡料有蝦，鮑魚切成粒，口感非常的豐富！夠哂層次又爽口！亦好多汁，加咗xo醬之後非常之惹味。手打梅菜豬肉丸幾夠彈牙，梅菜味幾突出唔會過咸，幾有特色！整體都覺得好正，食材真係夠新鮮，又有 service, 正！