影片
更多
2021-08-27
165 浏览
荔枝角隱世別緻中菜廳🥢個人唔係特別偏愛中菜，如果唔係朋友提議嚟呢度食我都唔知呢間餐廳存在🙊餐廳位於D2 Place樓上，一入門口就感覺到餐廳走偏高檔路線，環境清靜員工亦有禮☺️·<金甲脆魚片> ʜᴋᴅ 78鹹蛋黃魚皮近年hit爆🔥魚皮上枱忡係微暖，鹹蛋黃味夠濃💛仲帶有少少濕潤感，同零食鹹蛋黃魚皮係兩種感覺🤩要讚佢每塊魚皮大小平均，唔會有碎出現👍🏻·<川味口水竹絲雞> ʜᴋᴅ 118絕對係手工菜🧑🏻🍳有別於平時嘅口水雞斬件上碟，餐廳用上類似水晶肴肉嘅做法，竹絲雞肉連同肉凍雪至成型後再切片，肉凍比例唔多，仍然係雞肉為主🐥醬汁唔太辣但又充滿川味麻香，連唔太食辣嘅朋友都大讚好食😚·<桂花蜜燒去骨鴨腳包> ʜᴋᴅ 98另一道從來冇食過嘅手工菜🧑🏻🍳鴨脾去骨後釀入雞肝、叉燒、中華火腿同芋頭，再用蜜汁燒製🍯食到叉燒同蜜汁嘅甜味，桂花又帶點清新🌼食材融合得非常好👍🏻·<三色藜麥金沙蝦球> ʜᴋᴅ 172鹹蛋黃又出場🌝無唔好食嘅理由😚每隻蝦都非常大，肉質紥實，仲食到蝦肉一絲絲嘅纖維感🦐藜麥只係小配角，不過炸過後灑喺表面再增添咗酥脆口感非常
餐廳位於D2 Place樓上，一入門口就感覺到餐廳走偏高檔路線，環境清靜員工亦有禮☺️
·
<金甲脆魚片> ʜᴋᴅ 78鹹蛋黃魚皮近年hit爆🔥魚皮上枱忡係微暖，鹹蛋黃味夠濃💛仲帶有少少濕潤感，同零食鹹蛋黃魚皮係兩種感覺🤩要讚佢每塊魚皮大小平均，唔會有碎出現👍🏻
·
<川味口水竹絲雞> ʜᴋᴅ 118絕對係手工菜🧑🏻🍳有別於平時嘅口水雞斬件上碟，餐廳用上類似水晶肴肉嘅做法，竹絲雞肉連同肉凍雪至成型後再切片，肉凍比例唔多，仍然係雞肉為主🐥醬汁唔太辣但又充滿川味麻香，連唔太食辣嘅朋友都大讚好食😚
·
<桂花蜜燒去骨鴨腳包> ʜᴋᴅ 98另一道從來冇食過嘅手工菜🧑🏻🍳鴨脾去骨後釀入雞肝、叉燒、中華火腿同芋頭，再用蜜汁燒製🍯食到叉燒同蜜汁嘅甜味，桂花又帶點清新🌼食材融合得非常好👍🏻
·
<三色藜麥金沙蝦球> ʜᴋᴅ 172鹹蛋黃又出場🌝無唔好食嘅理由😚每隻蝦都非常大，肉質紥實，仲食到蝦肉一絲絲嘅纖維感🦐藜麥只係小配角，不過炸過後灑喺表面再增添咗酥脆口感非常唔錯👍🏻新鮮炸起非常熱辣辣，比小小耐性攤凍啲先食😜
·
<特色脆皮京都骨> ʜᴋᴅ 132平時見開嘅京都骨都係用金莎骨部位，不過呢度就唔同，係無骨嘅🦴外表睇起嚟就好似麥樂雞😂外皮香脆，裹上酸酸甜甜嘅醬汁，味道同咕嚕肉大同小異😎豬肉新鮮無腥味👍🏻
·
<脆香豆酥蒸銀鱈魚球> ʜᴋᴅ 268相對清淡嘅一道菜，不過更彰顯師傅功夫同食材質素❗️鱈魚質地本屬紮實，所以食落好實在，但又唔會乾硬😚底部有一層薄薄嘅豆腐花，配埋辣油又幾好食😋同銀鱈魚表面香脆嘅豆酥形成對比✨
·
<豆漿杞子鮮黑腐竹浸時蔬> ʜᴋᴅ 148第一次食黑腐竹，豆味香濃🖤豆漿煮得較濃稠，可以黏附喺娃娃菜上🥬不過略嫌腐竹泡發得未夠，口感未夠軟淋
·
<黑松露和牛砂鍋飯> ʜᴋᴅ 268飯粒炒得粒粒分明，晶瑩剔透又飽滿，淋上足夠油分可以形成飯焦🍚黑松露味較隱約，喺口中散發出淡淡嘅香味🍄和牛粒切得比較迷你，一大啖食嘅話就唔太明顯，單獨食就食得出肉質軟淋🐂油蔥酥都貢獻咗唔少香味🧅
·
<金箔懷舊芝麻卷> ʜᴋᴅ 64芝麻卷又稱菲林卷🎞️芝麻味非常香濃，但又唔過甜🥰如果可以喺芝麻漿中加入鮮奶或奶油增加奶香應該更出色🖤
·
食用體驗非常滿意👍🏻菜式嘅食材選擇同處理功夫都落足心思，有唔少手工菜同傳統菜式選擇，呈現方式都非常精緻✨
张贴
