餸記潮食 (已結業)

🚩餸記潮食我一直都對潮州菜情有獨鍾，嗰啲滷水鵝腸簡直係無法抗拒🥹朋友推薦左依間潮州菜館俾我，叫我一定要試吓～餐廳位置唔多，不過坐得好闊落好舒服，想食嘅朋友記得要預先book位〰️〰️〰️〰️〰️〰️〰️〰️〰️〰️〰️〰️〰️〰️〰️🌈精品六宮格 $168✨一夜暴富就係皮蛋豆腐啦～豆腐好滑加埋啲蔥同埋肉鬆，清清淡淡都好好食！皮蛋落咗麻辣汁，辣辣地有幾過癮✨話梅車厘茄酸酸甜甜，一咬落去爆曬汁，有驚喜✨清酒秋葵秋葵簡簡單單都已經好好食😋✨潮州酸菜酸酸甜甜好有咬口，一啲都唔鹹，淨係咁食都冇問題✨刀拍前男友即係拍青瓜，青瓜切到細細粒，非常入味🌈艾雷威士忌鵝肝 $228平時食開都係香煎鵝肝，呢款食之前店員會將威士忌淋落鵝肝上面，超濃烈嘅威士忌味～一開始我都擔心我自己食唔到，但食落口又OK喎😆有酒香但唔會好大衝擊🌈秘製口水雞 $168有別於我哋平時食開嘅川式口水雞，佢嘅芝麻味較重，就算唔食得辣嘅朋友都可以食！雞嘅質素都好好，唔係粉雞🌈潮滷拼盤 $228嚟到潮州菜館點會唔食滷水鵝，大大盤胸，背，腳翼乜都有齊！而且鵝肉好淋，唔會食到痴晒牙～點埋佢俾嘅醋，味道相當唔錯！佢薦底嘅豆腐都好好食，滑得黎，佢外圍都有炸過，吸晒啲滷水汁同鵝汁