Chill Vietnam Cuisine and Bar

营业中

休息中

今日行完D2 place，順便係到食晚飯，見到有間新式越南菜，都幾多人食，而且位置都幾多。呢到環境好靚，好岩打卡! 蟹肉炒飯炒飯好夠鑊氣，飯粒炒到粒粒通透乾身，底部仲有焦香同埋蛋香，非常惹味。飯上面堆左一大堆鮮拆蟹肉，而且仲有唔同既海鮮粒，好足料，調味都岩岩好。白夏 酸子鮮魚窩一開始見到個菜名都唔太知係咩，之後上網睇到圖片好似幾OK就叫左。上台時仲有暖住個魚窩，唔怕食到凍曬。第一啖湯係酸酸甜甜好開胃，原來係酸子既味道。煲入面仲有蕃茄，魚片，豆卜等等。魚片滑嫩冇骨，豆卜吸曬湯汁! 越式芋圓椰汁凍見到差唔多真係台台都有叫呢個甜品，因為個椰汁凍係兔仔造型，好動L，好可愛! 周邊仲有芋圓，西米，紅豆，芒果粒等既配料，好豐富既一道甜品!