Twinkle Baker Decor (MOSTown新港城中心(4期)) (已搬遷) 新店位置

Twinkle Baker Decor 終於開到嚟馬鞍山喇，以往想食最近都要去到沙田新城市先買得到，今日終於等到喇。😍蛋糕款式都幾多，而且整得幾精緻，見到有新產品，當然要買個返屋企食啦。🥰皇室星級夾餅 ($288) : 將茶味蛋糕製成窩夫形狀，再配上脆口杏仁碎同濃郁嘅花生醬作為上層，蛋糕周圍就用咗牛油忌廉同朱古力營造出滿瀉嘅效果，而內裏就係茶味芝士蛋糕，食落口感細膩柔滑，自己覺得味道有啲似伯爵茶，估唔到一件蛋糕都可以食出咁多種元素，簡直媲美一件藝術品。🥰