影片
更多
2020-11-11
975 浏览
同事聚餐想嚟個Green Monday party，大家各自揾附近可以外賣自取既素食，我就諗到呢間素食壽司專門店，呢間素食壽司店想食好耐了，可惜果時喺沙田太遙遠了。依家搬左去西九龍中心food court 果層，近咗九龍區終於可以一試了。西九龍中心food court 環境認真麻麻，我上次堂食時，附近食客又咳又撞黎撞去，啲枱同椅子坐得唔舒服又污糟，不過又預咗又咁......今次外賣自取可以預先whatsapp 店舖order 講明幾時幾點要即走，如果要收據都要預早whatsapp 講明~今次我地Order 咗所有卷物各要4件~ 有素鰻魚牛油果卷、素三文魚芝士卷、香芒吉列卷、素軟殼蟹卷、加洲風味卷、芝士牛油果吉列卷及素鰻魚芝士卷，仲有芒果花之戀4件~ 好正!! 芒果酸甜味道，加埋勁似既素三文魚 (類似蒟蒻做成) 滑滑有口感及沙律醬，完全係真正既芒果花之戀味道 我最愛係素軟殼蟹卷及芝士牛油果吉列卷，素軟殼蟹其實係炸紫菜做成，脆卜卜紫菜既咸香味，配上素軟殼蟹卷提供既醬汁，好味!!而芝士牛油果色澤好，無起黑點，外面牛油果既爽甜加芝士既綿綿質感，內裡係吉列素肉 (類似吉列豬扒) 仲係脆口架~素三
我就諗到呢間素食壽司專門店，呢間素食壽司店想食好耐了，可惜果時喺沙田太遙遠了。
依家搬左去西九龍中心food court 果層，近咗九龍區終於可以一試了。
西九龍中心food court 環境認真麻麻，我上次堂食時，附近食客又咳又撞黎撞去，啲枱同椅子坐得唔舒服又污糟，不過又預咗又咁......
今次外賣自取可以預先whatsapp 店舖order 講明幾時幾點要即走，如果要收據都要預早whatsapp 講明~
今次我地Order 咗所有卷物各要4件~
有素鰻魚牛油果卷、素三文魚芝士卷、香芒吉列卷、素軟殼蟹卷、
加洲風味卷、芝士牛油果吉列卷及素鰻魚芝士卷，
仲有芒果花之戀4件~ 好正!! 芒果酸甜味道，加埋勁似既素三文魚 (類似蒟蒻做成) 滑滑有口感及沙律醬，完全係真正既芒果花之戀味道
我最愛係素軟殼蟹卷及芝士牛油果吉列卷，素軟殼蟹其實係炸紫菜做成，脆卜卜紫菜既咸香味，配上素軟殼蟹卷提供既醬汁，好味!!
而芝士牛油果色澤好，無起黑點，外面牛油果既爽甜加芝士既綿綿質感，內裡係吉列素肉 (類似吉列豬扒) 仲係脆口架~
素三文魚真的很像呢，又唔洗有蟲喎!
不過叫得太少，下次要叫多啲先夠喉~~
张贴
