富寶會所私房菜

营业中

休息中

九龍城除咗泰國嘢，原來仲有其他好嘢食㗎!! 富寶就係其中一間，中式私房菜來講，佢都算高質素，環境闊落舒適！潮洲涷花蟹賣相整得好靚，好吸引！之前都好少食凍蟹感覺好得意，咬落肉質緊緻，唔會得個殼。蟹肉好飽滿最緊要海鮮甜味出。北海道長腳蟹呢隻蟹做得更加出色😀本身已經大大隻用嚟影相一流，入面超厚肉，每一條蟹腳都充斥着啖啖蟹肉，有豐富蛋白質，味道鮮甜。冰鎮咕嚕肉外脆內軟，香脆外層包裹住嫩滑豬肉，軟硬適中，用嚟送飯真係好正😇上面仲有啲冰鋪住，用嚟打卡冇得輸！嚟緊仲有母親節套餐😀可以一圍12人一齊食飯，價錢實惠，一家人坐低食飯咁就好正！