何車車仔麵 (大南街)

营业中

休息中

今日終於試到呢一間長龍車仔麵店，整體都真係唔錯，唔怪之得咁多人排隊啦。第一次幫襯都唔知揀乜嘢好，於是簡單直接就叫咗個10餸餐，等佢幫我揀埋唔洗煩。以下是詳情：蘿蔔雖然最唔起眼嘅嘢竟然係最好食，真係做到糖心兼無渣。豬皮爽脆彈牙夠新鮮無豬臭味。豬腩肉d肥嘅脂肪位都保持彈性唔會成pat肥膏咁樣，夠入味。豬大腸洗得好乾淨，保留到豬腸嘅原味而又洗走晒d無臭味。鹵水雞中翼還可以，再入味d會更好食。雞翼尖好飲味，不過肉質略嫌林咗啲。魚片頭比想像中結實，呢隻貨幾好食。豬紅夠新鮮夠爽口。肥牛普通野好彩唔係好肥。陳皮魚蛋都係d正常野啦，個辣汁唔錯。最後佢個豆漿唔係好甜啱晒我。