更紗制菓 (希慎廣場)

营业中

休息中

新精頭去探朋友，總唔可以兩手空空，唔想買傳統賀年禮盒，經過銅鑼灣呢間蛋糕店，見到盒好靚嘅餅，好適合買黎送禮。焦糖堅果兔子脆餅 :見到包裝盒面嘅兔仔畫已經覺得好吸引，入面嘅脆餅都係兔仔形狀架，非常可愛。脆餅入口脆卜卜，堅果好香口，配上焦糖味道甜甜地，朋友都讚不絕口。見到有散件裝蛋糕賣，所以都買咗幾件俾朋友嘅小朋友。戚風蛋糕揀咗開心果士多啤梨味及皇室紅茶。開心果士多啤梨味粉紅加綠色賣相好吸引，打開包裝已經傳出陣陣士多啤梨香，入口味道唔會太甜。皇室紅茶有好濃香嘅紅茶味，蛋糕質感鬆軟，好味道。另外仲見到有好得意嘅飯糰蛋糕，造型成個日式飯糰咁，相當有特色。用法式薄餅包住蛋糕，食嘅時候再跟住包裝上嘅指示拆開，方便之餘亦唔會整污糟手。曲奇忌廉味入口幼滑，忌廉夾住曲奇餅碎，感覺好似食緊雪糕咁。宇治金時味抹茶味好香，入面有好多紅豆，煙煙韌韌口感層次豐富。