Neko Puff (已結業)

對甜品真係毫無抵抗力，尤其是啲咁靚嘅甜品🙈經過屯市見到呢間舖頭啲蛋糕好精緻，而且見到餐牌寫住拿破崙可以即叫即整😍仲有10款口味揀，正！🍰韓國草莓麻薯拿破崙拿破崙共有三層，每層都夾住好細滑嘅忌廉、士多啤梨🍓、麻薯，忌廉有淡淡嘅茶香，麻薯口感較為似軟糖 偏甜。拿破崙真係令人又愛又恨，三層鬆脆嘅酥皮，再配搭忌廉、果肉、麻薯，多重口感，令人回味無窮；切落非常之鬆脆，好驚壓扁左佢同破壞左靚靚嘅外觀🙈 好彩我高超嘅技術，切得都幾好睇。如果想食到鬆脆嘅拿破崙，記得12個鐘內食啦！