壹燒鵝 (興裕大廈) (已結業)

一個人去到天后，本身諗住先食個糖水再去銅鑼灣同朋友食晚餐。點知朋友見到有間燒味店，就話想去食個廣東燒味啦！我地見到餐廳環境乾淨整齊，周圍都有好多食客，我地就去食個晚餐啦！我地叫左兩個主菜，加$12可以配白飯和飲品，好抵食啊。我叫左豉油皇鵝腸，朋友叫左叉燒炒蛋，剛剛好可以share食啊。豉油皇好惹味，鵝腸好爽口，無腥臭味，入口爽嫩好肥美，果然是燒味世家。叉燒半肥瘦，入口炭燒香加上蛋味重雞蛋，非常出色。