影片
更多
2019-05-11
48 浏览
係香港諗食乜真係唔容易，特別係旺角同尖沙咀 真係可以成個鐘頭都諗唔到食乜，於是今次就去比較少去既佐敦揾一揾好野食。因為佐敦真係好少去，係啲街左穿右插既底下 發現到呢一間”打邊爐” ，我係俾佢古舊既店面設計所吸引到 再望望啲餐牌都幾岩胃口就決定試一試佢。呢間顧名思義就係打邊爐既，打邊爐最緊要既係咩？梗係湯底！見到個餐牌有個每日限量既南瓜海鮮盅湯底 見到限量呢兩個字就特別想試下佢，可能當日係星期一 好彩地仲有，咁梗係唔可以錯過。個湯底黎到都幾震撼，一來個鍋本身好大，二來十分之足料 有半個日本空運到港既南瓜，南瓜入面有蝦同蟹 仲有啲蜆，令個湯㡳十分之鮮甜。呢間舖既醬料都值得一題，除左一般既醬料之外 仲有XO醬，都幾意料之外 味道都幾適合打邊爐用。另外一樣值得提及既係呢到都好多特色創意既食物，有最近周圍都好流行既”黃金系列” 即係咸蛋黃，我就叫左個出面好少會見到既炸淮山 估唔到同咸蛋黃都幾夾，味道咸香咸香咁 好惹味，呢到仲有即炸既響鈴 就咁食都已經好出色，係出面比較少有。另外有個素香豆腐皮都幾想推介下，佢係一樣類似腐竹既物體，店員教路話落湯浸一浸就可以食，本身個腐皮已經好似有陣奶既甜味，再索一
因為佐敦真係好少去，係啲街左穿右插既底下 發現到呢一間”打邊爐” ，我係俾佢古舊既店面設計所吸引到 再望望啲餐牌都幾岩胃口就決定試一試佢。
呢間顧名思義就係打邊爐既，打邊爐最緊要既係咩？梗係湯底！見到個餐牌有個每日限量既南瓜海鮮盅湯底 見到限量呢兩個字就特別想試下佢，可能當日係星期一 好彩地仲有，咁梗係唔可以錯過。
個湯底黎到都幾震撼，一來個鍋本身好大，二來十分之足料 有半個日本空運到港既南瓜，南瓜入面有蝦同蟹 仲有啲蜆，令個湯㡳十分之鮮甜。
呢間舖既醬料都值得一題，除左一般既醬料之外 仲有XO醬，都幾意料之外 味道都幾適合打邊爐用。
另外一樣值得提及既係呢到都好多特色創意既食物，有最近周圍都好流行既”黃金系列” 即係咸蛋黃，我就叫左個出面好少會見到既炸淮山 估唔到同咸蛋黃都幾夾，味道咸香咸香咁 好惹味，呢到仲有即炸既響鈴 就咁食都已經好出色，係出面比較少有。
另外有個素香豆腐皮都幾想推介下，佢係一樣類似腐竹既物體，店員教路話落湯浸一浸就可以食，本身個腐皮已經好似有陣奶既甜味，再索一索湯既鮮甜真係好驚喜。
竹笙蟹肉百花卷都係必試既，本身蝦滑非常彈牙，加上竹笙既爽脆 口感非常過癮。
丸類方面，我就叫左手打芝心鮮牛丸同福州魚丸，兩款都係有餡既丸 芝心鮮牛丸用既係新鮮牛肉，所以同一般牛丸既口感好唔同，會比較腍同有口感 加上芝士同牛肉既味道都幾夾。至於福州魚丸 我略嫌魚丸外層唔太彈牙，但內餡味道好香濃。
去到打邊爐既重頭戲— 牛肉，今次叫左餐廳新推出既貴妃滑牛肉，黎同好好期點解中間有隻杯，原來隻杯入面既係牛奶，係會令牛肉更加滑身，的而且確非常滑 加上呢款牛本身無乜根位，非常腍 亦重牛味，非常高既評價。
食咁多重口味既野點可以無野飲，叫左呢到自家製既檸檬薏米水同洛神花茶，兩者都帶有酸味，十分開胃同消膩，好過飲可樂或者幾他飲料。
下次再經過呢頭都可以再戰！
张贴
