影片
更多
2017-05-16
4699 浏览
好耐冇食過中菜，想揾啲精緻中菜試下，經友人介紹話依度嘅淮陽菜唔錯，所以一於試下。首先不得不讚下個前菜，一共四款，包括有陳醋餚肉、魚籽燻蛋、蔥油海蜇頭及無錫脆鱔。擺碟非常精美，尤其喜歡燻蛋及脆鱔，脆鱔炸得酥脆，配上香濃糖醋味真係食到停唔到口，燻蛋亦非常考工夫，喺雞蛋上擺上鵪鶉蛋白再鋪上魚子，正！跟住到文絲鮮魚羹，加入滿滿嘅魚絲，清香嘅陳皮味令魚羹增添味覺層次。三椒紅燒牛肋骨非常有驚喜，肉質軟滑，入口即溶，醬汁味道都調得好好，非常惹味。四川麻辣擔仔麵湯底香，都真係幾麻幾辣，反而花生味較淡，麵質比較腍，如果彈牙啲就更好。南翔小籠包由正宗上海點心師父製成，平時餐廳只係做18，最多20摺，但依個有成24摺，非常考工夫。皮夠薄，餡料又多又juicy，超正！但記得襯熱食吖，唔係凍咗啲皮會變硬㗎。Presentation亦都非常精緻，逐個以小籠仔上，好可愛吖。十三香酥餅起初以為係普通蔥油餅，但咬第一咬就知完全唔同。餅皮酥脆都不得了，食落sak sak聲，而且一啲都唔油，帶點香蔥味，絕對好食過一般蔥油餅。最後嘅甜品亦都係第一次試，桂花香橙拌大海，齋聽個名完全唔知係咩黎。問落先知原來拌大海係一種果實，提取
首先不得不讚下個前菜，一共四款，包括有陳醋餚肉、魚籽燻蛋、蔥油海蜇頭及無錫脆鱔。擺碟非常精美，尤其喜歡燻蛋及脆鱔，脆鱔炸得酥脆，配上香濃糖醋味真係食到停唔到口，燻蛋亦非常考工夫，喺雞蛋上擺上鵪鶉蛋白再鋪上魚子，正！
跟住到文絲鮮魚羹，加入滿滿嘅魚絲，清香嘅陳皮味令魚羹增添味覺層次。
三椒紅燒牛肋骨
非常有驚喜，肉質軟滑，入口即溶，醬汁味道都調得好好，非常惹味。
四川麻辣擔仔麵
湯底香，都真係幾麻幾辣，反而花生味較淡，麵質比較腍，如果彈牙啲就更好。
南翔小籠包
由正宗上海點心師父製成，平時餐廳只係做18，最多20摺，但依個有成24摺，非常考工夫。皮夠薄，餡料又多又juicy，超正！但記得襯熱食吖，唔係凍咗啲皮會變硬㗎。
Presentation亦都非常精緻，逐個以小籠仔上，好可愛吖。
十三香酥餅
起初以為係普通蔥油餅，但咬第一咬就知完全唔同。餅皮酥脆都不得了，食落sak sak聲，而且一啲都唔油，帶點香蔥味，絕對好食過一般蔥油餅。
最後嘅甜品亦都係第一次試，桂花香橙拌大海，齋聽個名完全唔知係咩黎。問落先知原來拌大海係一種果實，提取果肉經過繁複工序就變成依道甜品，口感滑潺潺，好似燕窩，桂花橙皮味道清淡，加上陳皮，感覺好清潤減膩。
张贴
