壹壹漁一 (已結業)

假期想出去食餐好啲嘅，近近地喺大角咀，朋友介紹咗壹壹漁一，一間酒店內的日式海鮮火鍋專門店，貪佢環境舒適，地方唔太大，所以人都唔會太嘈雜。今次一家三口👨‍👩‍👦叫咗個好豐富嘅豪華海鮮刺身火鍋餐，都只不過係七百多元！當然係先來啤一啤先！個海鮮刺身拼盤都真係幾豐富，隻毛蟹好鮮甜有多糕有多肉，帶子食得出好鮮甜，另外隻牡丹蝦就相當之大隻。我哋仲另外加左隻醉酒鮑魚，酒味香濃，切開片片鮑魚肉好嫰口！套餐嘅火鍋配料包括靚靚嘅和牛及豚肉，仲有海鮮及蔬菜籃，雖然份量唔太多，但質素佳，認真和味。