影片
更多
2021-07-27
74 浏览
收工想行陣街先食飯，於是就漫無目的咁喺K11到Hea行，行到咁上下喺二樓有間餐廳入面坐滿哂人，於是就八卦望下，原來係食泰國菜，咁就同Honey提議入去食。好彩啱啱有幾枱客人埋單，所以都係喺門口等職員執好張枱就有得坐。睇咗一陣餐牌後，就揀咗四款菜：- 阿閒泰酸辣柚子沙律- 自家手打脆炸鮮蝦餅- 泰式生蝦刺身- 香辣炒通菜另外再點咗兩杯特色飲品：- 檸檬香茅- 蝶豆花野食一嚟到就即刻覺得自己去咗泰國咁，因為柚子沙律用嘅泰式酸辣汁嘅香味真係令人身處喺泰國咁，而柚子嘅味道又好清甜，真係好啱喺夏天食。生蝦刺身嘅上碟形式好特別，用咗一set酒杯嚟擺放，而每隻杯裝滿咗酸辣汁、辣椒同蒜片，一拎上嚟就食得，好方便。炸蝦餅新鮮即炸好香脆彈牙。通菜就覺得咸咗些少。兩杯嘢飲都好啱夏天飲，解渴得嚟又有特色，特別係蝶豆花，配咗薰衣草檸檬汁，加埋一齊嚟飲個味道好好。有揸車嘅話埋單記住用信用卡比錢就可以有埋Free parking添
好彩啱啱有幾枱客人埋單，所以都係喺門口等職員執好張枱就有得坐。
睇咗一陣餐牌後，就揀咗四款菜：
- 阿閒泰酸辣柚子沙律
- 自家手打脆炸鮮蝦餅
- 泰式生蝦刺身
- 香辣炒通菜
另外再點咗兩杯特色飲品：
- 檸檬香茅
- 蝶豆花
野食一嚟到就即刻覺得自己去咗泰國咁，因為柚子沙律用嘅泰式酸辣汁嘅香味真係令人身處喺泰國咁，而柚子嘅味道又好清甜，真係好啱喺夏天食。
生蝦刺身嘅上碟形式好特別，用咗一set酒杯嚟擺放，而每隻杯裝滿咗酸辣汁、辣椒同蒜片，一拎上嚟就食得，好方便。
炸蝦餅新鮮即炸好香脆彈牙。
通菜就覺得咸咗些少。
兩杯嘢飲都好啱夏天飲，解渴得嚟又有特色，特別係蝶豆花，配咗薰衣草檸檬汁，加埋一齊嚟飲個味道好好。
有揸車嘅話埋單記住用信用卡比錢就可以有埋Free parking添
张贴
