影片
更多
2021-07-27
50 浏览
之前聽朋友講起Ninetys喺利園二期開咗分店，今次剛好經過銅鑼灣就嚟食個lunch～ 店鋪裝修以水泥色為主，餐廳各處仲有綠色植物做裝飾，型格得嚟又幾舒服寫意🌿 我地一共叫咗兩份主菜、兩杯咖啡同一份曲奇。-French Pork Cheek 🐷豬面頰肉煮得幾軟身，有入口即溶嘅口感。兩片吐司之間夾着薯蓉，上面有紫羽衣甘藍同豬面頰肉，淋上開胃嘅醋汁。吐司淋上醬汁之後有啲太淋，薯蓉亦都令到口感更加軟，而個人口味比較鍾意脆脆嘅吐司，如果吐司可以整脆身啲就好啦～-Chicken Rice with Japanese Sesame Sauce 🍚雞腿肉係經慢煮烹調，可以帶出鮮味，而且大大塊份量十足夠曬厚身。炒蛋用上日本蘭王蛋製成，蛋香味濃郁，食落果然令人驚喜。底部嘅米飯亦都份量十足，日本米食落口感豐富，配埋炒蛋一齊食好夾呀😀-Cold Brew店員介紹佢哋嘅Cold brew係經過12小時冷泡咖啡豆而成嘅，味道唔會太苦帶點fruity微酸，玻璃杯中嘅圓形冰球都好別緻。-Single Origin Selection咖啡豆可以選擇Nutty/Fruity/Chocolaty，Nutty同Fruity
-
French Pork Cheek 🐷
豬面頰肉煮得幾軟身，有入口即溶嘅口感。兩片吐司之間夾着薯蓉，上面有紫羽衣甘藍同豬面頰肉，淋上開胃嘅醋汁。吐司淋上醬汁之後有啲太淋，薯蓉亦都令到口感更加軟，而個人口味比較鍾意脆脆嘅吐司，如果吐司可以整脆身啲就好啦～
-
Chicken Rice with Japanese Sesame Sauce 🍚
雞腿肉係經慢煮烹調，可以帶出鮮味，而且大大塊份量十足夠曬厚身。炒蛋用上日本蘭王蛋製成，蛋香味濃郁，食落果然令人驚喜。底部嘅米飯亦都份量十足，日本米食落口感豐富，配埋炒蛋一齊食好夾呀😀
-
Cold Brew
店員介紹佢哋嘅Cold brew係經過12小時冷泡咖啡豆而成嘅，味道唔會太苦帶點fruity微酸，玻璃杯中嘅圓形冰球都好別緻。
-
Single Origin Selection
咖啡豆可以選擇Nutty/Fruity/Chocolaty，Nutty同Fruity比較常見所以我就揀咗特別啲嘅Chocolaty。咖啡係裝喺透明嘅茶壺入面，可以自己裝落細杯慢慢飲，好有儀式感。咖啡旁邊仲配有藍莓乾同咖啡豆碎，店員就建議我聞一聞咖啡豆之後，食啲藍莓乾再飲咖啡會更加香。鍾意咖啡嘅朋友都可以試食呢個體驗😉
-
Triple Chocolate Cookie 🍪
最後就係我最期待嘅甜品啦！佢哋嘅曲奇係有翻熱嘅，所以曲奇啲朱古力就會有少少溶，食落有啲軟心曲奇嘅感覺，味道唔算太甜朱古力味非常香濃，作為下午茶或飯後甜品都係不二之選😋
张贴
