竜王居酒屋 (已結業)

喺和富中心和朋友相見，來到幾有格調的『竜王』，今日不食刺身，叫咗沙律，壽司，卷物，燒物，料理，傾吓偈幾好。『炸軟殼蟹沙律』除咗厚肉軟殼蟹之外，還有番茄仔，青瓜仔和幾種沙律菜，配有自家特製沙律仔，好惹味。『宮崎煙燻黑豚肉』係朋友至愛，油脂豐富，少少煙燻香氣吸引，肉質保持到juicy，配合埋芥末醬，好夾。『竜王卷』真係大陣仗喇，一個大竜王碟内裝有8件卷物，好架勢，有天婦羅卷物，有魚子，蟹子，吞拿魚蓉卷物，高質美味。『厚揚串燒』，厚揚即係豆腐，但個口感同我哋平時食嘅有D唔同，比較實D。『燒雞翼』和『三文魚壽司』亦係呢日嘅食物，滿足的一餐。