紅葉茶屋 (帝國中心)

今日嚟到呢間日本餐廳食午飯，環境非常舒適，餐牌選擇亦非常多，先有新鮮即炸吉列蝦及蠔以及汁煮黃金螺，前者金黃香脆，蝦肉亦彈牙，而汁煮黃金螺係冷盤，螺肉係份量大隻、加上秘製醬汁，絕對係非試不可。

主菜方面有麵豉叉燒拉麵、以及豪華海鮮丼茶漬飯。拉麵湯底非常濃厚、麵條掛湯，而叉燒入口鬆軟；而海鮮丼用上新鮮刺身，三文魚、吞拿魚魚油豐盈，帶子非常厚身、鮮蝦亦肥美，加上有濃蝦湯，可以泡制出地道嘅茶漬飯。

最後有甜品抹茶蕨餅新地，牛奶味道嘅新地非常軟滑，紅豆蓉同綠茶雪糕以及蕨餅亦相當匹配。