影片
更多
2023-03-22
49 浏览
今日接老公放工🤪去咗佢公司附近嘅居酒屋🏮食飯呢間居酒屋裝修得好有日本風格，聽聞老闆仲會間唔中喺度盡顯歌喉，可惜我當日去冇緣見到🤪店員會介紹今日有咩新鮮嘅刺身同埋飛機魚╰☆刺身我叫咗呢四款試試☺️魴鮄魚｜帆立貝｜油甘魚｜兵庫縣室津生蠔今日飛機魚係新鮮嘅魴鮄魚，顏色粉嫩，切得厚身，有口感，味道清甜，帆立貝厚肉清甜，油甘魚食落淡淡甘甜又滑嫩，而室津生蠔🦪蠔身飽滿，入口啖啖肉😍好肥美呀 ╰☆海老雲丹天婦羅 係佢哋嘅招牌菜，用咗紫蘇葉包住海膽同牡丹蝦一齊炸，炸得酥脆香口，脆薄外層鎖住鮮蝦嘅肉汁同香味，加上海膽嘅鮮甜味道，層次感非常豐富╰☆唐揚池魚BB 炸到好脆口，陣陣魚脂香氣，佐酒一流╰☆玉子燒明太子玉子燒口感滑嫩飽滿又多汁，濃濃嘅蛋香味，與微辛嘅明太子搭配，更提升玉子燒嘅口感╰☆和牛石頭飯和牛牛味濃厚，入口柔嫩，白飯索晒肉嘅鮮美更滋味，讓人欲罷不能╰☆炸柚子雪糕金黃酥脆嘅外皮配上酸甜柚子味嘅雪糕，加上外熱內凍嘅口感，十分邪惡😝╰☆綠茶汽水｜櫻花汽水
呢間居酒屋裝修得好有日本風格，聽聞老闆仲會間唔中喺度盡顯歌喉，可惜我當日去冇緣見到🤪
店員會介紹今日有咩新鮮嘅刺身同埋飛機魚
╰☆刺身
我叫咗呢四款試試☺️
魴鮄魚｜帆立貝｜油甘魚｜兵庫縣室津生蠔
今日飛機魚係新鮮嘅魴鮄魚，顏色粉嫩，切得厚身，有口感，味道清甜，帆立貝厚肉清甜，油甘魚食落淡淡甘甜又滑嫩，而室津生蠔🦪蠔身飽滿，入口啖啖肉😍好肥美呀
╰☆海老雲丹天婦羅 係佢哋嘅招牌菜，用咗紫蘇葉包住海膽同牡丹蝦一齊炸，炸得酥脆香口，脆薄外層鎖住鮮蝦嘅肉汁同香味，加上海膽嘅鮮甜味道，層次感非常豐富
╰☆唐揚池魚BB
炸到好脆口，陣陣魚脂香氣，佐酒一流
╰☆玉子燒明太子
玉子燒口感滑嫩飽滿又多汁，濃濃嘅蛋香味，與微辛嘅明太子搭配，更提升玉子燒嘅口感
╰☆和牛石頭飯
和牛牛味濃厚，入口柔嫩，白飯索晒肉嘅鮮美更滋味，讓人欲罷不能
╰☆炸柚子雪糕
金黃酥脆嘅外皮配上酸甜柚子味嘅雪糕，加上外熱內凍嘅口感，十分邪惡😝
╰☆綠茶汽水｜櫻花汽水
张贴
