真鮨 (已結業)

雖然唔係好明白男人點解咁鐘意食日本菜但決定就下男朋友 去食好嘢😌呢間日本菜係尖沙咀 好近地鐵站🚉細細間 麻雀雖小但五臟俱全原條真鯛真係原條上， 見到都覺得好靚好新鮮。可以見到每塊魚肉切得好均勻，仲有魚肉清透，紋理清楚可以見到，白色半透明既真鯛。點既汁都好特別，因為真鯛味道清甜，點既醬汁更加突顯佢嘅甜味，唔會搶佢嘅鮮味。壽司有好多壽司🍣可以揀，我同男朋友就揀咗鱈場蟹腳壽司、魚背邊壽司、蟹膏帆立貝壽司同墨魚壽司。鍾意蟹膏帆立貝，蟹膏醬係帆立貝上面味道有鹹香味，蟹腳係真係一條長蟹腳係壽司上面，識落啖啖蟹腳肉。串燒都有好多，有雞皮露筍串、燒雞皮串、燒豆腐、燒鮮雞腎。雞皮包住露筍，燒完都仲有唔少嘅汁，唔會覺得乾，雞皮加埋蘆筍唔會覺得油膩。燒豆腐，豆腐大大嚿，睇落去好似臭豆腐咁，皮有少少硬，但上面嘅醬汁甜甜地，點上豆腐味道特別，入面豆腐肉軟軟地。焗蟹蓋好鍾意食蟹嘅產品，呢個燒蟹膏男朋友好鐘意食，蟹蓋上有紅卜卜嘅蟹膏，用匙羹不黎食，發現入面有好多蟹肉🤤🦀🦀🦀蟹肉焗完更加香口。