牛石料理 (已結業)

刺身係一個大盆咁上枱，擺得好靚好精緻，仲有埋原個魚頭添，好有心思，刺身有珍寶帶子，牡丹蝦，活北寄貝，鯛魚，款款日本直送，質量保證，我最中意帶子，真係好大粒好鮮甜，軟淋淋既口感，啲蝦都係好新鮮，粘口得黎好creamy，口感好好，全部都係好好食，鮮味十足！(^з^)-☆🥰串燒係日本雞軟骨同埋燒日式雞肉棒，兩款都係日本水準，雞軟骨新鮮爽脆，好脆口好香雞味，雞肉棒就肉質軟嫩，表面焦香，唔駛點汁都好夠味啦！o(^▽^)o😛沖繩苦瓜豚肉炒蛋都係日本傳統料理，苦瓜好靚好新鮮，炒佐出黎微甘清爽，豚肉既油香令炒蛋更滑，加埋木魚碎，口感又有啲煙韌，亦食到濃列既蛋香，味道一流！(^-^)🤭