影片
更多
2023-11-05
39 浏览
今日同朋友去銅鑼灣睇戲，睇戲之前食個lunch先，之前上網睇過呢間餐廳啲丼飯好似幾精緻，同朋友嚟試吓。餐廳行535 Tower，半開放式，好有空間感。我哋分別叫了兩個午市套餐，再追加兩款小食同甜品一齊share食。昼月雞肉玉子丼$118套餐包咗沙律、湯同埋漬物。個丼飯疊得高高的，好吸引。自己親自將蛋黃醬汁淋上雞肉餅上面，好有儀式感，雞肉餅變得亮澤，即時食慾大增。雞肉餅厚厚的，口感充實，中間均入咗啲雞軟骨碎，口感豐富，燒肉只軟綿綿加上個飯撈蛋黃燒汁，好滋味。炙燒海鮮丼$148賣相吸睛，壽司飯上面鋪滿晒三文魚，左口魚，三文魚子，帶子同埋一件玉子。啲魚生全部炙燒，帶出了魚油香。三文魚厚身夠滑，帶子大隻有鮮味，三文魚子亦鮮甜。唐揚炸雞$38炸雞熱辣辣，好香脆惹味，佐酒一流。朋友鍾意飲下酒，佢見到餐廳有$168 3小時任飲清酒，好有興趣話下次過嚟試吓。蝦天婦羅$48炸蝦係介乎天婦羅同埋吉列蝦中間嘅做法，好酥脆，三隻蝦都大大隻。迷你牛角包窩夫拼雪糕$38綠茶白玉雲呢拿雪糕$18我哋嗌咗兩款甜品，兩款甜品同一碟上，擺盤美美的，適合打卡。牛角包窩夫係即叫即做，外酥內軟，散發着牛油香氣，再蘸埋黑朱古力雪
昼月雞肉玉子丼$118
套餐包咗沙律、湯同埋漬物。個丼飯疊得高高的，好吸引。自己親自將蛋黃醬汁淋上雞肉餅上面，好有儀式感，雞肉餅變得亮澤，即時食慾大增。雞肉餅厚厚的，口感充實，中間均入咗啲雞軟骨碎，口感豐富，燒肉只軟綿綿加上個飯撈蛋黃燒汁，好滋味。
炙燒海鮮丼$148
賣相吸睛，壽司飯上面鋪滿晒三文魚，左口魚，三文魚子，帶子同埋一件玉子。啲魚生全部炙燒，帶出了魚油香。三文魚厚身夠滑，帶子大隻有鮮味，三文魚子亦鮮甜。
唐揚炸雞$38
炸雞熱辣辣，好香脆惹味，佐酒一流。朋友鍾意飲下酒，佢見到餐廳有$168 3小時任飲清酒，好有興趣話下次過嚟試吓。
蝦天婦羅$48
炸蝦係介乎天婦羅同埋吉列蝦中間嘅做法，好酥脆，三隻蝦都大大隻。
迷你牛角包窩夫拼雪糕$38
綠茶白玉雲呢拿雪糕$18
我哋嗌咗兩款甜品，兩款甜品同一碟上，擺盤美美的，適合打卡。牛角包窩夫係即叫即做，外酥內軟，散發着牛油香氣，再蘸埋黑朱古力雪糕一齊食，超好味。綠茶白玉夠晒煙韌，個抹茶醬抹茶味超香濃，配上士多啤梨雪糕，顏色靚又夠果香。
张贴
