SP Flower & Tea Room (尖沙咀中心) (已結業)

為咗打卡，專登揀左間文青feel嘅餐廳食dinner，務求食得又打得😆🐷蜜糖伯爵茶汁黑豚肉丼 ($138) 豚肉丼外表同內在一樣平平無奇，淡而無味😐重點係個豚肉煮得有啲乾，個蜜糖伯爵茶汁有同無都無咩分別😅可能真係太清淡，成件事配埋白飯一齊食就真係一般般， 但配菜竟然唔錯，為呢個丼帶咗少少驚喜。🐥香草烤天然雞黑松露燉飯 ($188)相對地燉飯就幾好食，黑松露本身嘅香味就好吸引，而佢用黎整燉飯就加哂分, 每粒飯都吸哂佢啲汁同香味，加埋塊煎到脆卜卜既嫩滑雞扒， 一啲雪味都無得黎又有少少香草味，呢個燉飯真心好食😋份量都夠女仔食既！🍵玫瑰橙香紅茶 $58橙茶或玫瑰花茶我都試過， 但未試過放埋一齊，估唔到又幾夾， 無論香氣或味道， 都係好飲😋比較之下， 呢杯係有特色同有心思。🍵蜜桃薑煎茶 $58呢杯茶香氣係唔錯既， 都有有淡淡桃香及薑味，但味道相對係清清地得嚟比較普通，冇乜特色。餐廳整體感覺唔錯，食物都OK，環境真係好啱打卡。