昼月

营业中

休息中

同朋友去食廚師發辦～ 精緻又好味首先上嚟嘅前菜係冰頭漬,三文魚嘅鼻骨鮮甜！好特別！海膽玉子同魚籽都好正咸香濃郁,好滋味。另外個紅酒蕃茄就為呢個開胃小菜帶嚟點酸甜,中正漂亮。緊接着就係一系列嘅刺身。個帶子好大隻粒粒肥美,鮮美嘅間白真係好正。個油金魚油噴香入味,加埋個鮮香濃郁嘅牡丹蝦，真係一流！個拖羅超肥美！加埋清爽嘅Wasabi同紫蘇葉正好平衡了呢種濃烈嘅味道。咬落嘅一刻充滿層次,極之滿足!之內蠔係岩手縣既蠔，配埋酸汁啫喱同紅蘿蔔蓉,非常之美味！墨魚汁蒸蛋呢道則把日式嘅清淡簡約推向另一個高峰。蛋嘅鮮嫩配埋墨魚汁嘅濃郁鹹香,簡直絕配。滑蛋中有點酸酸好好味！之後嘅金鯛、劍魚同間白魚,三種魚類各有特色,每一件都做到極好!金鯛嘅肥美配合劍魚同間白魚嘅爽滑！簡直係無可挑剔!最後必食嘅油甘魚三星漬,魚肉鮮甜入味，金目鯛上面炸過嘅魚鱗香脆,帶來層次感。深海池魚更是盛世珍饈！最後加埋北海道松浦水產嘅海膽，非常豐富嘅口感！海膽鵝肝一流！最後黎個牛角包窩夫雪糕正正就作為整個晚餐嘅總結，既清新甜美,又滋味豐富,簡直完美收尾。