金燕島潮州酒樓

营业中

休息中

期待已久，老闆請食飯，有機會黎試試老牌高質既潮洲菜!!❤️菊花石榴雞 潮洲頂級手工菜，蛋白皮包住雞脾肉料+冬菇等等既餡料，充滿肉汁，精緻高質🧡普寧炸豆腐 豆腐表層非常酥脆，入面好嫩滑，點少少鹽水已經好香好好味💛傳統豬腳凍 每件都精瑩通透好Q彈，入口即化咁，一d 都唔覺得肥膩!!💚燉湯 非常足料既是日例湯，有雞肉 瘦肉 木耳 蘿等等材味，清甜滋潤，好正!!💙欖菜肉碎炒米粉 米粉炒得乾身又唔油，欖菜肉碎調味恰到好處，又香又惹味💜黃金炸油粿 即係潮式炸油角，黃金色三角型既油角仔，入面有花生粒粒同白芝麻，個餡甜甜地好有過年小食既感覺每道菜都好精緻，食得好飽好滿足！而且餐前餐後都會有潮洲功夫茶清清味蕾，茶香回甘，畫上完美句號之後，就係期待下次再黎🤤