稻埕飯店 (V Point) (已結業)

去親台灣旅行都會一定到夜市行，感覺到當地嘢食好味之餘亦大眾化，所以冇諗過台式食物亦可食得夠精緻。 話說今日朋友相約呢間台式餐廳晚飯，位置就在銅鑼灣v point 的地庫，尚算幾方便，一到步見到呢間餐廳幾夠格調，環境光線帶點幽暗像是西餐餐廳營造氣氛充滿情調。Menu 上的選擇頗多，亦有套餐提供悉隨尊變。 金銀蒜泥五花白肉 五花白肉本身味唔出，但有蒜蓉係另一回事，加上中間夾住條青瓜，味恰到好處，蒜蓉香口唔攻鼻，唔錯。富貴黃金大虎蝦 每一隻都係大size，這種蝦身會比較厚，所以煎煮嘅時候要掌握得好，如果唔係就會好「鞋」。蝦有彈性，加埋不太多嘅醬汁，配搭得意。蟹鉗肉鬆蛋捲端來嘅時候好似煎蠔餅，但一咬落去就即刻食到蟹嘅濃味，整道菜都很鬆化香口。佛跳牆果有齊鮑魚、海參、花膠夠料，湯水幾濃，應該係燉咗幾耐時間，飲完飽飽哋，不過仲有美食當然會輕易投降啦。呢餐食到滿滿滋味，加上環境有種優雅嘅感覺，食落確係很舒服。