臺北棧 (形點 I) (已結業)

夏天大熱天時又落雨，最好節目就係行大型shopping mall，今日同朋友來到元朗YOHO Town(形點)逛逛兼食飯。招牌魯肉飯~賣相已令人垂涎欲滴，溏心蛋正，切粒嘅魯肉， 醬汁香濃配飯一流。黑蒜牛肉麵(刀削麵)~ 上菜時已經聞到香噴噴嘅黑蒜香味，一喝湯底更是欲罷不能，刀削麵掛滿湯汁，大大件牛展炆得又香又淋。肉鬆皮蛋蛋餅~肉鬆皮蛋豆腐食得多，呢個蛋餅真係好吸引，即叫即做，新鮮美味。櫻花蝦烏醋茄子~脆卜卜櫻花蝦，茄子沾上醋汁特別醒胃。奶奶麻薯(淡水名物)~元朗店限定，蝶豆花顏色好靚，是台灣淡水獨有配方，不含糯米，採用日本鮮牛乳及木薯粉做成軟糯口感，滑捋捋淋淋地，沾滿黑芝麻，健康有益。玫瑰奶茶(凍)~玫瑰茶夠香，奶夠滑。鳳梨苦瓜汁~台灣特產苦瓜汁，加入菠蘿味道好清新。