影片
更多
2018-10-15
44 浏览
星期五又係時候對自己好d！同朋友相約中環晚飯，去一間我哋都想試嘅日式餐廳。餐廳裝飾同一般日本餐廳唔同，比較西式，一入門口就見到bar枱，就知道有特式cocktail😋 座位都幾舒適，兩邊有較高嘅梳化卡位，而餐廳中間就有幾張梳化位，環境舒適，可以慢慢品嚐美食。餐牌有好多好吸引嘅食物，每樣都想試，叫吓叫吓，就叫幾個頭盤，同幾款主菜喇！首先就係頭盤！天慶福袋 (Tuna, crab meat, Natto, Bonito jam & green onion): 腐皮壽司嘅腐皮包住納豆，吞拿魚粒，同埋少少蟹肉，味道好夾，吞拿魚又好新鮮。又可以試下加幾條洋蔥條一齊食，係幾清新，唔會搶咗吞拿魚嘅鮮味。軍艦壽司 (Spicy tuna, Scallops, Sea urchin, Queen crab meat): 依個restructured 嘅軍盤淨係個賣相已經好吸引，好精緻，一日一軍艦。軍艦頂係唔同嘅toppings，下面係壽司飯，最底就有一塊紫菜。軍艦有四個唔同口味，有微辣嘅mayonnaise撈吞拿魚粒，唔會太辣，而且好醒胃。帶子切粒配埋魚籽放壽司飯上，好鮮味。海膽份量都好夠，又鮮味，同壽
餐廳裝飾同一般日本餐廳唔同，比較西式，一入門口就見到bar枱，就知道有特式cocktail😋 座位都幾舒適，兩邊有較高嘅梳化卡位，而餐廳中間就有幾張梳化位，環境舒適，可以慢慢品嚐美食。
餐牌有好多好吸引嘅食物，每樣都想試，叫吓叫吓，就叫幾個頭盤，同幾款主菜喇！
首先就係頭盤！
天慶福袋 (Tuna, crab meat, Natto, Bonito jam & green onion): 腐皮壽司嘅腐皮包住納豆，吞拿魚粒，同埋少少蟹肉，味道好夾，吞拿魚又好新鮮。又可以試下加幾條洋蔥條一齊食，係幾清新，唔會搶咗吞拿魚嘅鮮味。
軍艦壽司 (Spicy tuna, Scallops, Sea urchin, Queen crab meat): 依個restructured 嘅軍盤淨係個賣相已經好吸引，好精緻，一日一軍艦。軍艦頂係唔同嘅toppings，下面係壽司飯，最底就有一塊紫菜。軍艦有四個唔同口味，有微辣嘅mayonnaise撈吞拿魚粒，唔會太辣，而且好醒胃。帶子切粒配埋魚籽放壽司飯上，好鮮味。海膽份量都好夠，又鮮味，同壽司飯相當配。而我最欣賞就係蟹肉軍艦，一絲絲嘅蟹肉略帶海水咸味，加上蟹籽，夾住薄薄嘅青瓜片，一啖放落口，好滿足呀！
天慶海膽 (Sea urchins, Edamame puree, Salmon roe, Chives & Fried lotus chips): 海膽配住好creamy嘅枝豆purée，都幾有驚喜。新鮮嘅海膽同清新嘅枝豆purée完全無違和感，配埋青瓜片食，唔會覺得膩，不錯呀！
到主菜嘅部分喇！
燴和牛面額 (Red wine braised beef cheek served with pickled radish, butter lettuce, honey & chilly beef jus): 和牛面頰用紅酒去燘煮，肉質好林，肉中間仲有少少骨膠原，好入味。食法似韓式，用一片生菜包住一片厚厚嘅和牛面頰，可以點埋甜甜地嘅牛肉sauce，好好味呀！
蟹 • 明太子燴飯 (Crab risotto served with Queen crab meat, Mentaiko, seaweed and rice crackers): 燴飯帶有咖哩香，有少少脆米混合其中，好有咬口。配合埋蟹肉絲同明太子，味道好豐富，唔會只有咖哩味咁單調。
鮮蜆魚介湯拉麵 (Frah clams in seafood broth with half boiled egg, vegetables, green onion, seaweed, Sakura shrimp dust): 拉麵一上枱就見到舖滿蜆喺上面，而且湯非常濃郁，餐廳亦好貼心地將櫻花蝦粉末用湯匙承住，客人可以根據個人口味加多加少。蜆肉煮到恰到好處，肥美又鮮味，加埋櫻花蝦粉嘅拉麵好香呀，味道又多一個層次！
每一個菜式都相當吸引同美味，同朋友都食到好滿足呀！下次有機會再試其他菜式！
张贴
