獨 ‧ 火鍋撚 (已結業)

天氣凍冰冰繼續每日打邊爐，今日同朋友去咗旺角白布街，附近見到好多間雞煲同埋火鍋，有間幾地道特色嘅火鍋撚，真係要試一試，裏面個鍋好特別，裝置非常之精美。首先叫咗個滑雞靚黑豚肉雜錦鍋，仲有個極品安格斯肥牛海鮮鍋 海鮮鍋好似比較抵食，裏面仲有廣島生蠔、日本蟹柳、生猛海蝦、水土魷魚以及係脆鯇魚片，生蠔真係好滑，而且好肥美，食落去口感豐富。黑豚肉都有好味嘅滑雞片，仲有包得幾工整嘅白菜豬肉餃子，咬落去嘅時候啲餡唔會散，加埋佢哋呢度獨特嘅調味料非常之好吃！要講埋佢哋嘅特色嘢飲，我最鍾意飲佢哋自家製嘅杞子龍眼菊花蜜，飲熱就更加好啦，每個餐只係加$8就可以享用得到，飲落去嘅時候覺得好滋潤，同埋非常真材實料，龍眼都有三四粒，菊花仲散落喺杯中，令人飲落去心曠神怡(⁎⁍̴̛ᴗ⁍̴̛⁎)。