定食屋

Cafe Cabin 搬咗之後變咗呢間餐廳。望menu 其實覺得有啲貴，因為舖頭唔大，又係筲箕灣小店，但都係想試吓。

我點咗咖喱吉列千層豬扒定食。
前菜好豐富，竟然有鮑魚食，仲要好入味！味噌湯入面仲有隻蜆。豆腐脆卜卜，蘭王溏心蛋好入味👍

千層豬扒其實係好多塊薄豬肉疊埋，我本身都鍾意少脂肪嘅肉，呢種整法食落鬆軟啲，重肉味，但唔會好似厚切豬扒咁好香油脂。不過咖喱稍為淡啲。

定食超級大份，根本食唔晒😂

覺得餐廳可以display 多啲相喺門外menu, 因為呢個價位有咁多嘢其實都make sense, 只係單睇文字會覺得有啲貴。

*男朋友食嘅厚切牛舌都好精緻，不過有機會影相就開咗餐lu

1

1