酒鍋 (天文臺道) (已結業)

好耐都無打邊爐啦！因男友係尖沙咀返工，所以鎖定尖沙咀區，上OpenRice search，呢間係頭三甲，裝修又幾靚，所以就book左今晚8點半！坐低就揀左呢個套餐，因太肚餓，唔想再睇menu！店員即送上醬料，成 10款以上！最特別既係有花生醬同花生碎！好香！上菜速度極之快速！第一道係小食拼盤（豬頸肉、雞翼、黑松露醬蝦肉油條）。當中既豬頸肉相當好味，係食過咁多間豬頸肉中最好食既一間！因佢好似乾身既日本叉燒咁！但完全唔油，仲好爽好香！之後黎左湯底—四國豐味。其中肉骨茶好岩女仔，好補身，因當中有藥材！當初以為同啲火鍋配料唔夾，點知食落又幾好味，特別係最後用黎煮烏冬，啲味入曬啲烏冬度，一流！因海蝦賣曬，店員就換左大蜆俾我地，但都肉質鮮甜！安格斯牛頸脊肉好嫩，一啲都唔油膩，真係會一塊食完又接一塊！而日本黑毛豬腩肉以為會好肥，但又唔會wo!又唔鞋！每款餃子各兩隻。當中有蝦餃、菠菜皮韮菜餃、洋蔥豬肉蛋餃。我覺得蝦餃既蝦好彈牙，最好味。而男友就鐘意韮菜餃多啲。仲有個造形好可愛既黑熊，口感彈牙！食完真係飽到上心口！