Amusement Eatery (已結業)

今日去左位於長沙灣的Amusement Eatery食南美菜。餐廳裝潢設計型格，有霓紅燈做裝飾，環境燈光昏暗，餐廳採用落地玻璃，空間感十足，超有feel，而且餐廳亦設有室外座位，餐廳主打南美菜，全部食材都是當地直送，而且每天新鮮熬製湯頭、人手搓麵糰及自家調配醬汁，非常有誠意製造出特色的南美菜。烤伊比利亞豬肉串燒配羅望子醬汁賣相非常吸引，用鐵串串起三色椒、洋蔥、伊比利亞豬肉，伊比利亞豬肉採用的部位為肩胛肉，配上底下的菠蘿莎莎和自家製的羅望子醬汁一齊食，味道層次豐富，清新解膩，肉質更軟腍。芝士和牛肉醬闊條麵手工闊條麵做得非常出色，闊條麵煙韌又彈牙，麵條非常掛汁，每啖都充滿了芝士和肉醬的味道。巨型日本雪糕新地好大杯，日本直送，有限定的藍莓味和牛奶味，藍莓味有驚喜，有新清的果香味道，而牛奶，奶味勁濃郁，2-3人食剛剛好。