Coti (鴻圖道)

营业中

休息中

今日同朋友行吓行吓，嚟到觀塘呢個小角落嘅咖啡室，恰恰位處於樓梯閣下，自成一閣！小小嘅店舖出品都幾精緻，而且仲有多款特色嘅咖啡同飲品，我原本想要杯果皮冰糖檸檬冰泡茶，可惜已經售罄，轉叫天然蜂巢咖啡，一樣有特色！上枱時有一勺蜂巢，非常特別！expresso同埋鮮奶分開上，雖然店家已經預備好份量，但感覺就好似DIY一樣，而且味道唔會太甜，好飲！朋友叫左鮮忌廉朱古力，忌廉又香又滑，朱古力味道非常濃郁，飲完即刻想啜多兩啖！呢度嘅食物行西日fusion，睇下呢款鰻魚玉子飯，鰻魚醬汁濃厚香甜，玉子有蛋香，加埋旁邊嘅沙律菜點綴，真係睇得又食得！蕃茄醬蝦意粉，雖然唔係用上咩海蝦或者大蝦，但係食到唔少蝦肉，粒粒分明，蕃茄汁做得酸甜剛好，份量又夠大。