食美軒 (已結業)

宜家無得堂食就叫多左外賣番屋企食。今次就去左係旺角東附近的餐廳食美軒，叫左2份台式便當外賣試下。每個便當都可以自選主菜、前菜小吃、台灣滷味，另仲附上滷蛋、滷肉飯同例湯。便當盒以紅色布包好，用少個膠袋，包裝亦十分精美。三杯雞其中一個便當主菜叫左三杯雞、前菜則叫左麻醬伴秋葵、台灣滷味則簡左滷五花肉、滷大腸。幾款野食都好唔錯，特別個麻醬伴秋葵，味道清甜爽口，滷大腸亦都同樣出色，大腸處理得好好，完全無腥味，吸收晒滷汁香味，推介呀！！栗子紅燒排骨前菜叫左鹽酥雞、台灣滷味簡左雞翼尖同豬耳。鹽酥雞入面好多汁，好嫩滑，都幾驚喜。青紅蘿蔔粟米湯味道清甜，有住家湯水的感覺。