影片
更多
2021-07-15
337 浏览
朋友生日，我地一行四人嚟到希慎12樓嘅「名館」慶祝，呢間中菜館除咗菜色有創意，啱哂打咭影相，性價比仲好高！餐廳樓底高，座位寬敞，一班朋友傾計聚會啱啱！點好餐後, 先呷一口蕎麥茶清潤口腔, 準備品嚐我地既晚餐。✨京川汁秋葵 $48 先嚟個健康前菜，有心思嘅擺盤，將秋葵放到花一樣。秋葵爽口，配埋京川汁非常開胃。✨精緻點心拼盤 $128好開心，晚市都有點心拼盤！以茶點架上菜，啱哂打咭！入面有蝦餃、香菇素餃、大良炸鮮奶、紫薯酥餅、奶黃煎堆。最特別嘅當然係🦢天鵝造型嘅「紫薯酥餅」，外層酥脆，內裡滿滿嘅紫薯蓉，清甜幼滑！大良鮮奶都深得我歡心！金黃脆卜卜嘅炸漿，包住軟滑嘅牛奶，奶味香濃，做到外脆內軟嘅效果！蝦餃皮薄餡靚，入面嘅蝦肉大大粒，而且爽口鮮味！香菇素餃外皮軟糯，口感煙韌，入面嘅香菇粒飽滿，正！奶黃煎堆炸得香脆，內裡奶黃呈流心狀態，味道香甜，一口一個，好過癮！✨糖心黑蒜海底椰豬展湯 $68以茶壺上嘅燉湯，造型特別。壺內嘅燉湯熱辣辣，甫一倒出，黑蒜香氣四溢，味道香醇帶甜，加上滋潤嘅海底椰，真係啖啖溢味。✨招牌酸菜滑魚片 $298霸氣嘅中國風涮涮鍋已經非常吸睛😍內裡嘅魚片極之滑溜，而且無骨，仲份量
餐廳樓底高，座位寬敞，一班朋友傾計聚會啱啱！
點好餐後, 先呷一口蕎麥茶清潤口腔, 準備品嚐我地既晚餐。
✨京川汁秋葵 $48 先嚟個健康前菜，有心思嘅擺盤，將秋葵放到花一樣。秋葵爽口，配埋京川汁非常開胃。
✨精緻點心拼盤 $128好開心，晚市都有點心拼盤！以茶點架上菜，啱哂打咭！入面有蝦餃、香菇素餃、大良炸鮮奶、紫薯酥餅、奶黃煎堆。
最特別嘅當然係🦢天鵝造型嘅「紫薯酥餅」，外層酥脆，內裡滿滿嘅紫薯蓉，清甜幼滑！
大良鮮奶都深得我歡心！金黃脆卜卜嘅炸漿，包住軟滑嘅牛奶，奶味香濃，做到外脆內軟嘅效果！
蝦餃皮薄餡靚，入面嘅蝦肉大大粒，而且爽口鮮味！
香菇素餃外皮軟糯，口感煙韌，入面嘅香菇粒飽滿，正！
奶黃煎堆炸得香脆，內裡奶黃呈流心狀態，味道香甜，一口一個，好過癮！
✨糖心黑蒜海底椰豬展湯 $68以茶壺上嘅燉湯，造型特別。壺內嘅燉湯熱辣辣，甫一倒出，黑蒜香氣四溢，味道香醇帶甜，加上滋潤嘅海底椰，真係啖啖溢味。
✨招牌酸菜滑魚片 $298霸氣嘅中國風涮涮鍋已經非常吸睛😍
內裡嘅魚片極之滑溜，而且無骨，仲份量十足！酸菜湯嘅花椒香氣撲鼻，令人胃口大開！入面仲有唔少配料，包括薯粉、芽菜、葱花。紅薯粉吸收哂所有精華，酸香鮮味，如果紅薯粉份量可以再多啲就好！
✨黃金蝦球 $118鹹蛋黃漿緊緊咁包實蝦球！漿漿厚薄適中，味道鹹香十足，非常非常惹味！蝦球大大隻，食落啖啖肉，肉質保持鮮嫩，彈牙爽口，令人回味無窮！
✨上湯杞子瑤柱浸時蔬 $88上湯清甜，配上時蔬，簡簡單單更能帶出食材嘅原味道。
✨冰鎮鮮菠蘿咕嚕肉 $138是夜另一個打咭精選！以原個新鮮菠蘿上枱嘅冰鎮鮮菠蘿咕嚕肉，上菜時菠蘿底下仲有乾冰嘅煙霧效果，大家都爭住影相📸️
咕嚕肉無骨啖啖肉，肉質彈牙，外皮少少脆，味道酸甜開胃。配料有新鮮菠蘿、紅椒、青椒，色彩繽紛，除咗賣相滿分，味道同樣出色！
✨十三么 $128朋友好鐘意打麻雀，呢個甜品真係啱晒佢！
1比1嘅麻雀🀄️其實係椰汁桂花糕，造型非常神似！桂花清香，配上香濃清甜嘅椰汁，好玩又好食！就連伴碟嘅美金，都係由米紙做，全部都食得！
张贴
