金滿庭京川滬菜館 (奧海城二期)

营业中

休息中

今日係媽咪生日，唔想例牌泰國菜日本菜，所以就揀左呢間出名嘅上海館食飯慶祝。上籠包好多肉汁，差啲熱親嗰嘴。啲肉唔會好肥，食多幾粒都冇乜罪惡感xd第一次食嘅炒鱔糊，同韮黃一齊炒好惹味，鱔肉好爽滑，份量都幾多，好滿意松子魚一上枱就覺得好貴氣，魚炸得啱啱好，好脆，屋企人連魚頭都食得好滋味！甜酸度較得好，好口胃，不愧係招牌菜招牌炒飯炒得好香，唔鹹唔淡，面頭仲有啲蟹籽，增加口感。京燒羊腩外皮燒得幾脆，但除左羊味之外就冇香料味，比較“寡“，同埋可能因為已經食到尾聲，所以覺得油膩左啲。鍋塔豆腐口感好得意，入面嘅豆腐好嫩滑，外面嘅皮掛滿汁，好夾！