影片
更多
2019-11-08
45 浏览
今晚同好友慶祝生日，地點當然交由主角揀選。友人愛吃日本菜，選了這間位於朗豪坊 12 樓的「丸十寿司日本食堂」。原來餐廳最近與 Sanrio 旗下人物 Bad Badtz-Maru XO 和 Gudetama 梳乎蛋 (蛋黃哥) 聯乘，將店面打造成期間限定主題，唔怪得場內裝潢咁特別，由牆壁、窗戶，以至用餐區也有不同的佈置，充滿卡通色彩，啱曬同朋友嚟影相卡位。聽朋友講「丸十」是香港首家進行「當店精米」的餐廳品牌，所以店主特地於餐廳門口放咗部業務用的精米機，每日兩次，現場精米，將由日本入口的玄米，在店內打磨至白米，用來做壽司、丼飯、米漢堡等，現磨現吃。先細看店員送上的餐牌，食物分門別類，選擇非常之多，有沙律、前菜、煙燻系列、蠔食、米漢堡、刺身、手握壽司、軍艦、炙燒壽司、壽司盛、卷物、串燒、揚物、燒物、丼、食事、甜品、日式特飲、無酒精飲料等，另外亦有一系列主題卡通造型美食。我哋揀咗個期間限定的二人套餐 ($688)，套餐項目非常豐富，包括有雜錦野菜沙律、豊洲特上刺身(5點)、鐵板燒日本地雞、丸十壽司盛合、海鮮土瓶湯。第一道菜先嚟個雜錦野菜沙律，各款沙律菜和蕃茄都好新鮮，配以醋汁，清新怡人，最特
今晚同好友慶祝生日，地點當然交由主角揀選。友人愛吃日本菜，選了這間位於朗豪坊 12 樓的「丸十寿司日本食堂」。
原來餐廳最近與 Sanrio 旗下人物 Bad Badtz-Maru XO 和 Gudetama 梳乎蛋 (蛋黃哥) 聯乘，將店面打造成期間限定主題，唔怪得場內裝潢咁特別，由牆壁、窗戶，以至用餐區也有不同的佈置，充滿卡通色彩，啱曬同朋友嚟影相卡位。
聽朋友講「丸十」是香港首家進行「當店精米」的餐廳品牌，所以店主特地於餐廳門口放咗部業務用的精米機，每日兩次，現場精米，將由日本入口的玄米，在店內打磨至白米，用來做壽司、丼飯、米漢堡等，現磨現吃。
先細看店員送上的餐牌，食物分門別類，選擇非常之多，有沙律、前菜、煙燻系列、蠔食、米漢堡、刺身、手握壽司、軍艦、炙燒壽司、壽司盛、卷物、串燒、揚物、燒物、丼、食事、甜品、日式特飲、無酒精飲料等，另外亦有一系列主題卡通造型美食。
我哋揀咗個期間限定的二人套餐 ($688)，套餐項目非常豐富，包括有雜錦野菜沙律、豊洲特上刺身(5點)、鐵板燒日本地雞、丸十壽司盛合、海鮮土瓶湯。
第一道菜先嚟個雜錦野菜沙律，各款沙律菜和蕃茄都好新鮮，配以醋汁，清新怡人，最特別就是面頭鋪了白飯魚，令平實的沙律口感更豐富。
豊洲特上刺身(5點)，當中包括有中拖羅、牡丹蝦、鯛魚、活赤貝、金目鯛，每款各兩件，全部都色澤亮麗，配以精心擺設，見到已令人滿足。粉紅色的中拖非常肥美，單睇面層已看到一間間油脂，入口魚油香浸滿口腔。牡丹蝦外表晶瑩剔透，加上夠大隻又鮮甜，食落爽彈富黏性，滋味得令人難以形容。另外厚切的金目鯛，水準亦不俗，肉質細緻鮮嫩，味道鮮甜，入口即溶。
鐵板燒日本地雞，走地雞據說是從日本取材，精選大腿部分及雞胸肉，燒香後再以鐵板盛上。撥開面頭的蔥花細看，雞皮很薄，肉質嫩滑，雞味亦夠濃，建議吃時沾少許柚子鹽，能為味蕾帶來不一樣的清新感覺。
丸十壽司盛合，盛合同刺身一樣，共有 5 款，當中包括有池魚、帆立貝、海膽、拖羅和牡丹蝦。帆立貝肉厚味清甜，極具彈性。海膽味道亦不俗，十分鮮美濃郁，口感豐腴細緻，如軟雪糕般入口即溶，令人齒頰留香。再細意品嚐一下底層嘅米飯，果然不錯，飯粒比包裝米更煙韌更香甜，軟硬適中，壽司醋的比例亦剛好，跟頂頭的刺身配合得天衣無縫，食完個感覺真係超滿足。
壓尾輪都品嚐這壺放了好一會，但入口仍然熱辣辣嘅海鮮土瓶湯，成品用上柴魚昆布高湯做湯底，再加入海鮮燉煮，湯頭看起來很清澈，不過原來味道頗鮮濃。湯內有大蝦、魚肉、蟹柳、舞茸菇、銀杏等，用料十足，令人回味無窮。
友人今次真係無介紹錯，餐廳嘅環境好舒服，菜式也很合我倆的心意，加上價錢合理，下個月有另一位朋友生日，都可以帶佢嚟試下。
张贴
