影片
更多
2019-07-17
21 浏览
性價比極高的蒸氣海鮮火鍋今日跟朋友黎到元朗搵食，因為朋友話我知佢最近食過一間性價比極高嘅蒸氣海鮮火鍋，知我依個為食家一定有興趣去食！依間火鍋店位於元朗雞地附近，位置都算方便，火鍋店地方雖小，但裝修同設備都好企理齊全！而佢個蒸氣鍋係特制嘅，鍋底有個活塞自動加水，而且不痴底，咁煲出黎嘅粥底就夠綿有火候又唔會有陣難食嘅濃味啦！佢嘅海鮮套餐有成五六款，咁我地就選擇咗$288個一款，三百蚊就可以食到澳洲龍蝦、奄仔蟹、貴妃蚌、鮑魚、元貝等等嘅貴價海鮮喇！依度嘅海鮮生猛新鮮之餘，份量亦好充足！佢個海鮮盆上檯個陣，我竟然睇得到啲龍蝦同蟹啲肌肉神經仲係彈下彈下，係100%新鮮呀！依隻龍蝦肉質食落鮮甜彈牙，啲蝦膏仲好香軟呢！依隻奄仔蟹係足一隻俾你，奄仔蟹爆膏，唔一定鹽焗，只要新鮮，蒸起黎一樣咁好食！其餘嘅蚌、元貝、鮑魚、鮮蝦等等，全部都好新鮮爽甜，唔使特別加醬汁都一樣食得出新鮮海鮮嘅滋味！蒸完晒啲海鮮，海鮮嘅肉汁精華流晒落個粥底到，依鍋粥亦都唔使特色加調味料，食落口海鮮嘅鮮甜味出晒黎，簡直係大滿足呀！依間蒸氣海鮮火鍋，朋友真係無介紹錯，好味抵食之餘亦都令人相當飽足，而且食飯過程全程都有職員代勞幫你蒸煮海鮮
今日跟朋友黎到元朗搵食，因為朋友話我知佢最近食過一間性價比極高嘅蒸氣海鮮火鍋，知我依個為食家一定有興趣去食！
依間火鍋店位於元朗雞地附近，位置都算方便，火鍋店地方雖小，但裝修同設備都好企理齊全！而佢個蒸氣鍋係特制嘅，鍋底有個活塞自動加水，而且不痴底，咁煲出黎嘅粥底就夠綿有火候又唔會有陣難食嘅濃味啦！
佢嘅海鮮套餐有成五六款，咁我地就選擇咗$288個一款，三百蚊就可以食到澳洲龍蝦、奄仔蟹、貴妃蚌、鮑魚、元貝等等嘅貴價海鮮喇！
依度嘅海鮮生猛新鮮之餘，份量亦好充足！佢個海鮮盆上檯個陣，我竟然睇得到啲龍蝦同蟹啲肌肉神經仲係彈下彈下，係100%新鮮呀！
依隻龍蝦肉質食落鮮甜彈牙，啲蝦膏仲好香軟呢！
依隻奄仔蟹係足一隻俾你，奄仔蟹爆膏，唔一定鹽焗，只要新鮮，蒸起黎一樣咁好食！
其餘嘅蚌、元貝、鮑魚、鮮蝦等等，全部都好新鮮爽甜，唔使特別加醬汁都一樣食得出新鮮海鮮嘅滋味！
蒸完晒啲海鮮，海鮮嘅肉汁精華流晒落個粥底到，依鍋粥亦都唔使特色加調味料，食落口海鮮嘅鮮甜味出晒黎，簡直係大滿足呀！
依間蒸氣海鮮火鍋，朋友真係無介紹錯，好味抵食之餘亦都令人相當飽足，而且食飯過程全程都有職員代勞幫你蒸煮海鮮，控制嘅火候亦都相當準確！有機會我一定會經常黎食！
张贴
