悅滿軒

有一段時間冇去食返fine dining dinner，今日專程去美孚月滿軒同朋友聚一聚，食食飯傾傾計，呢度環境好優雅好靚，好啱傾計聚會食飯，同埋預祝節日。side dish叫咗法式蒜蓉包，starter有香煎日本帶子配牛油果沙律熱情果汁，main dish叫咗法式海鮮燴意大利飯，法式蒜蓉包超香脆，正宗法國麵包配上新鮮薯蓉製成，超香口食到停唔到口。另外個帶子沙律係重心推介，帶子超新鮮而且個沙律亦都好有田園味，牛油果亦都好多配埋熱情果汁食真係回味無窮。要提提大家，呢度有蕃茄麵包配黑木欖牛油免費提供，質素亦都非常之高，個麵包好新鮮牛油亦都好特別。最重要要提個主菜，海鮮燴意大利飯上面鋪滿大蝦、帶子、法國大蜆、同埋法國青口，個意大利飯有茄醬，亦都吸曬所有海鮮鮮味，所以每一啖意大利飯都超鮮味，再加上每一款海鮮及法式製法，真係食到停唔到口。