環境舒適，黑色格調入型入格，主要賣海鮮，生蠔冷盤龍蝦西班牙紅蝦等一應俱全。
當日有少少唔舒服所以呢無嗌到海鮮，機緣巧合之下叫了呢個洋蔥湯
等我精簡點咁形容，洋蔥湯味道香濃，配上芝士法包片，洋蔥湯中感受到濃郁嘅肉汁香味，同中環某知名西餐廳嘅馳名洋蔥湯一樣出色。我同朋友都迅速清碗，價格只係＄60，就有呢一個咁高級嘅質素！正！
接着點左呢一個12安士嘅頂級牛扒，點叫五成熟，餐廳話呢一個生熟度都最能夠表現出牛扒嘅鮮味。肉質鮮嫩脂肪同肉嘅比例適中，配上新鮮嘅蔬菜，蔬菜選擇好多而且顏色鮮艷，食牛扒嘅罪惡咁大大減少。
食咗咁完美嘅湯同埋扒之後，點少得要一個甜品，平視我一定會點法式燉蛋，今日突然好叫疏附里，想不到呢一個決定令我帶來無限驚喜！
需時20分鐘，談談天說說地就已經到咗了，外皮煙韌可口，裏面鬆軟得如空氣一樣，很好吃配上雲呢拿汁，完美演繹。各位嚟到一定要試下！隔離枱見到我哋食得咁開心都立即點了個啊！
呢度環境十分之適合情侶嚟到食飯氣氛良好感覺舒適啊！
