德美壽司 (新都城中心1期) (已結業)

去到寶林新都城見客，見到有德美壽司，順便食埋先走。日系門面好搶眼，內裡有吧枱位，有靠牆梳化位，仲有普通位。見有不少街坊熟客幫襯，好快就滿坐。內裡裝潢都好有日本風，裝修配合燈光感覺舒服，好似對住個山咁正。😍两個人叫咗刺身五點盛盒，同埋一個德美海膽魚生丼。五點盛盒 (德) $518刺身好新鮮有：大拖羅、海膽、赤貝、帆立貝、油甘魚、牡丹蝦海膽非常鮮甜，甘香豐腴，好正！赤貝新鮮爽脆又鮮甜，好味呀！帶子勁爽甜牡丹蝦非常香甜，口感微糯，正呀！油甘魚爽身油潤，美味！拖羅肥美油潤，好味！甜蛋都好食呀！落單時，店員有問牡丹蝦頭點整，我哋揀咗炸蝦頭，炸蝦頭形態生動美觀，除咗尖刺部分較硬無食，其餘全部都香口酥脆，好好食架！德美海膽魚生丼$158配湯、沙律+甜品嘩！材料好豐富喎，海膽、帆立貝、油甘魚、熟蝦、三文魚、三文魚籽、飛魚籽、蟹柳、甜蛋。樣樣都好食，將兩種魚籽同飯撈勻，口感精彩又有咸香，好！最後有件綠茶蕨餅，為今晚呢餐劃上完美句號。走嘅時候，仲有人等緊位，果然食物質素高，自然受歡迎。