影片
更多
2018-05-18
139 浏览
今晚同朋友食飯，放工近近地⋯就觀塘啦！觀塘工廈區一向食肆雲集，卧虎藏龍，不過近年興起私房菜熱潮，所以今晚一於搵間試下！最後決定食 新蒸武門！餐廳位於駱駝漆大廈三期1樓，算方便就腳。裝潢簡潔光鮮，有5-6人圓檯、2-4人方檯。檯面預備好非常傳統中式瓷杯，伴有養生茶，生津解渴餐牌可以另行散叫，不過唔想諗咁多，於是叫個2人餐，菜餚都幾豐富。手撕雞先行上檯，外表平平無奇，但食落竟然出乎意料地好食！雞肉撕得好仔細，唔會鞋口唔會韌，食落有酒香甜味，再伴上芝麻青瓜，熱天天氣食落口—非常清爽舒服！到主角出場！冰鎮新鮮鮑魚，一睇外表已經流曬口水！色澤分明，又夠飽滿，食落超級爽甜，食過好難返轉頭😂！食完凍野，飲返盅燉湯先！非常足料，一盅可倒夠兩湯碗。非常清澈，完全無味精，所以味道無老火湯咁濃咁咸。宮廷香辣雞非常惹味，辣度鮮明但唔會痛苦到流汗，雞丁都好香脆，我個人覺得伴碟花生爆香左之後都好好食😂龍躉球大約四、五大片，我唔係太鍾愛魚類，無咩評價，而愛食魚友人就覺得好好食。不過二人餐都有魚食，其實又方便過去酒樓叫一圍菜。蒜蓉蝦，功夫菜之一，我欣賞佢採用大隻蝦黎開邊蒸（好多大牌檔用細蝦，開完邊好似食蝦乾咁完全無味
觀塘工廈區一向食肆雲集，卧虎藏龍，不過近年興起私房菜熱潮，所以今晚一於搵間試下！
最後決定食 新蒸武門！餐廳位於駱駝漆大廈三期1樓，算方便就腳。
裝潢簡潔光鮮，有5-6人圓檯、2-4人方檯。
檯面預備好非常傳統中式瓷杯，伴有養生茶，生津解渴
餐牌可以另行散叫，不過唔想諗咁多，於是叫個2人餐，菜餚都幾豐富。
手撕雞先行上檯，外表平平無奇，但食落竟然出乎意料地好食！雞肉撕得好仔細，唔會鞋口唔會韌，食落有酒香甜味，再伴上芝麻青瓜，熱天天氣食落口—非常清爽舒服！
到主角出場！冰鎮新鮮鮑魚，一睇外表已經流曬口水！色澤分明，又夠飽滿，食落超級爽甜，食過好難返轉頭😂！
食完凍野，飲返盅燉湯先！非常足料，一盅可倒夠兩湯碗。
非常清澈，完全無味精，所以味道無老火湯咁濃咁咸。
宮廷香辣雞非常惹味，辣度鮮明但唔會痛苦到流汗，雞丁都好香脆，我個人覺得伴碟花生爆香左之後都好好食😂
龍躉球大約四、五大片，我唔係太鍾愛魚類，無咩評價，而愛食魚友人就覺得好好食。不過二人餐都有魚食，其實又方便過去酒樓叫一圍菜。
蒜蓉蝦，功夫菜之一，我欣賞佢採用大隻蝦黎開邊蒸（好多大牌檔用細蝦，開完邊好似食蝦乾咁完全無味），食落都食到蝦肉鮮甜味，底部金菇粉絲索曬汁，無得彈！
皮蛋同肉碎無乜特別，不過娃娃菜就非常新鮮同鮮甜！
炒飯要讚一讚蝦仁夠大粒，好足料，不過最令我驚喜既係當中菜粒，非常爽甜，將成個炒飯升左Level！
整個二人餐其實都相當多野食，份量亦設計得適中，可以一次過試足多款野食。
整體而言，論份量、味道、環境，都屬於抵食好味之選，而且完全無味精，食完唔會口乾頭痛。
张贴
