甜藝家 (已結業)

前排突然好想食曲奇呀所以放工之後就入左黎睇下有冇岩心水!!!就快聖誕，原來呢度都有出聖誕禮盒，不过我個日去到已经見到聖誕禮盒上面貼上售罄二字嚕但店員話佢地好快就會推出新年禮盒，有興趣都可以密切留意下😆😆😆😆😆上次買左佢地既雜錦曲奇~~已經試曬所有味道咁濟所以呢日打算散買，買返自己同屋企人中意食既兩款~~一包係我地都好中意既海鹽朱古力曲奇雖然只係黑蚊蚊、小小既一塊，但每一塊都係超濃既可可味，好易會一塊接一塊咁食唔停架！！！而呢包紅莓就係自私食既，因為屋企人都唔太中意食乾果，但我就幾中意食味道酸酸地既紅莓，加上呢款既曲奇仲特别脆身，上次食完就愛上，所以呢次決定要返包獨食先得