哥哥添飯•妹妹泡茶 (已結業)

星期六同老友在觀塘閒逛，見到#哥哥添飯•妹妹泡茶，個名又幾得意，望下餐牌，原來係食台灣菜，款式種類多又幾特別，於是入內進食Lu😙。🦪養生花雕鮑魚醉盤（是每逢星期2,4,6的限定）時菜：肉燥青菜。每份套餐都配有三款前菜，有牛蒡、椒鹽爆溪蝦同苦瓜漬物，還有生果，很豐富呀。併盤有上下兩層，上層是醉鮑魚、蛋跟蝦🦐，鮑魚彈牙，蝦很爽口，下層醉雞的肉質嫩滑，同樣入晒味很重花雕酒味。🐟破布子煎封比目魚配蟹肉波菜圈，皮煎得脆口，肉質嫩滑的好juicy! 超喜歡😘。時菜：燙青菜。🍲麻辣紅燒牛肉麵配滷肉青菜，厚身牛肉有3大塊，仲有2大件筋，炆得入晒味又夠淋，爽滑又煙韌，牛筋黏口好柔軟，充滿骨膠原！麻辣湯底正常，個人認為唔太辣，適合想食少少辣的朋友，麵粗幼適中，煙韌有口感。🥤桂花甘香柚子鐵觀音, 聞到淡淡的桂花香味，飲落甜甜酸酸，好清新又好飲。老友點了🧋有時候想喝紅豆奶茶，佢說奶茶順滑，而且味道剛好唔會太甜，紅豆都煮得夠淋。🥣混一式綜合手工芋圓 ，啱晒心多多咩都想食啲嘅我，有齊煙韌芋圓、地瓜圓、紫薯圓、珍珠、清爽愛玉、紅豆、綠豆、蘆薈和椰汁，啖啖滋味。每個餐都會奉送前菜及水果，感覺健康，啱晒注重健康的人仕。