Walter Bistro (智選假日酒店)

营业中

休息中

同朋友慶生, 公司附近有間智選假日酒店, 裡面有間半自助餐餐廳, 酒店好新淨, 氣氛唔錯, 地方寬敞, 環境清靜. 本身有主菜, 可選牛柳或者煎魚柳, 仲有炖湯, 任食生蠔.原來秋天仲有限定贈品: 大閘蟹每人兩隻, 仲要唔細隻喎, 肉多膏多, 意外驚喜!先上人參豚肉炖湯, 好重人參味, 飲完成個口甘涼感, 超足料!主菜牛柳肉嫩, 熟成度煮到啱啱好, 份量都唔細. 另外可選煎魚柳, 皮脆肉滑, 魚肉唔太膩, 女士剛剛好.生蠔任食, 都好大隻, 碟碟不斷, 鮮味, 微微海水味, 鍾意食蠔既已經回本!沙律吧種類唔少, 蔬菜都好新鮮!冷盤前菜仲有煙三文魚, 哈蜜瓜, 火腿, 煙肉, 芝士, 餅乾, 任你配搭.壽司刺身同樣出色, 款式都唔少, 品質優質, 鮮味足, 壽司有三文魚, 吞拿魚, 甜蝦, 蟹柳,玉子, 腐皮同埋多款卷物, 刺身有三文魚, 吞拿魚同埋帆立貝, 師傅厚切刺身, 絕對唔慳.熱食有意粉, 泰式豬扒, 金牌燒鴨, 蔥油雞, 南乳豬手, 白酒煮蜆, 麵包布丁, 炒時蔬, 中式西式湯配麵包甜品方面有多款唔同口味既迷你蛋糕, 生果, 布甸, 等等.. 而且仲有多款唔同獨特口味既雪糕雪條