Triangle Coffee (已結業)

尖沙咀加連威老道新開咗一間cafe。居然有三款單品朱古力可以飲。分別係Peru Palo Blanco 75%、Tanzania 75%、Peru 50%。三款都唔同風味。我呢啲咖啡人梗係要叫咖啡，所以就叫Mocha試吓。Peru Palo Blanco 75%會比較Nutty，就呢一款+咖啡試吓。果然朱古力味非常濃郁，而且拉花仲好靚添。由於未食午餐，叫咗個吉列豬扒芝士三文治。麵包用咗黑炭法包，質感煙靭外邊香脆，吉列豬扒都好厚，裏面仲有肉汁流出嚟。