Cafe Charm's (已結業)

西九龍中心蘋果商場裏面一間毫不起眼的cafe, 地方雖小但五臟俱全。 此店主打甜品飲料， 但都有套餐及各式小吃。 與朋友於此共進晚餐，點了一份二人套餐。 前菜有沙律一份， 主菜叫了手工和牛漢堡配薯條及自家製蕃茄意粉配香煎雞扒， 仲有指定甜品芝士餅雪糕及迷人意式奶凍- 綠茶味。 飲品可額外加錢點特別餐飲， 我叫了杯京都焙茶鮮奶。 其實此店的食物味道不錯，蕃茄意粉配香煎雞扒OKAY gei ,  手工和牛漢堡配薯條的薯條係我最愛的粗薯條呀， 新鮮熱辣辣，裡面又夠軟淋淋，和牛漢堡入面有好多料, 多汁夠juicy , 唯獨塊手工和牛乾左少少。但呢度都係甜品及飲品最有睇頭及好味。 甜品擺設得好精緻， 你睇個意式奶凍幾似聖誕雪球…… 我最欣賞佢杯京都配茶鮮奶， 焙茶味香濃但不澀口， 甜味調配得剛剛好…… 上面仲有熊仔拉花，好有心機！