影片
更多
2019-04-18
4694 浏览
餐廳：八月花 (旺角)地址：旺角亞皆老街8號朗豪坊3樓35號舖同一班friends係八月花食飯，去到見到餐廳新推出嘅「粵韓新食」系列菜式係由米芝蓮韓國大廚Una擔任客主廚，以新派韓式料理cross over我地平時喺酒樓食開嘅粵菜，同一餐可以食到粵式同韓式菜餚，真係非常有新意，同一餐飯又食到韓國料理又食到粵菜，究竟有咩火花產生咗出黎呢🤤？難得遇到咁正嘅野緊係要推介俾大家～首爾雙味炸雞原來呢碟炸雞係用粵式炸物方法去整，有原味同香辣味，最少分開3次炸嘅程序，先將雞件炸到定型，之後再炸到全熟，最後沾上粉再炸至金黃色😚難怪每咬一啖都係咁鬼死脆～雪濃湯泡牛肉雪濃湯係韓國嘅傳統料理，係用牛骨長時間熬製而成，最厲害嘅係煲完出黎湯底完全唔會有任何肥膩嘅感覺👍🏾牛膝、牛面肉、牛肩胛同牛脾再加上牛筋五大特選牛部位嘅配搭🐂，啱晒鍾意唔同口味嘅你～滋補蔘雞湯配百歲酒韓國嘅雞肉嫩脂肪少🐓，經湯底煲過之後更加軟腍，仲有原隻人蔘、紅棗等滋補食材，啱晒我呢啲想保持身型補充蛋白質，身體又差需要補氣血嘅人～火辣辣無骨雞腳配年糕鍾意食辣嘅人有口福了，呢個無骨雞腳同年糕用韓式辣醬去炮製🌶，每一啖都充滿咗辣味，包你食得過癮又返
地址：旺角亞皆老街8號朗豪坊3樓35號舖
同一班friends係八月花食飯，去到見到餐廳新推出嘅「粵韓新食」系列菜式係由米芝蓮韓國大廚Una擔任客主廚，以新派韓式料理cross over我地平時喺酒樓食開嘅粵菜，同一餐可以食到粵式同韓式菜餚，真係非常有新意，同一餐飯又食到韓國料理又食到粵菜，究竟有咩火花產生咗出黎呢🤤？難得遇到咁正嘅野緊係要推介俾大家～
首爾雙味炸雞
原來呢碟炸雞係用粵式炸物方法去整，有原味同香辣味，最少分開3次炸嘅程序，先將雞件炸到定型，之後再炸到全熟，最後沾上粉再炸至金黃色😚難怪每咬一啖都係咁鬼死脆～
雪濃湯泡牛肉
雪濃湯係韓國嘅傳統料理，係用牛骨長時間熬製而成，最厲害嘅係煲完出黎湯底完全唔會有任何肥膩嘅感覺👍🏾牛膝、牛面肉、牛肩胛同牛脾再加上牛筋五大特選牛部位嘅配搭🐂，啱晒鍾意唔同口味嘅你～
滋補蔘雞湯配百歲酒
韓國嘅雞肉嫩脂肪少🐓，經湯底煲過之後更加軟腍，仲有原隻人蔘、紅棗等滋補食材，啱晒我呢啲想保持身型補充蛋白質，身體又差需要補氣血嘅人～
火辣辣無骨雞腳配年糕
鍾意食辣嘅人有口福了，呢個無骨雞腳同年糕用韓式辣醬去炮製🌶，每一啖都充滿咗辣味，包你食得過癮又返尋味
泡菜國餃子
將泡菜釀入餃子入面，皮薄多餡令每個客人都能夠將泡菜呢種韓國特色加入粵式餃子裡面🥟，真點Mix and match～
甘苔鱈魚子蛋卷
蛋🥚，看起來家常，但係加埋韓國矜貴嘅甘苔紫菜同鱈魚子就唔同講法，一粒一粒嘅鱈魚子混入喺蛋卷嘅中間，每一啖都有紫菜嘅脆，鱈魚子一粒粒嘅口感，同埋蛋香，普通嘅菜式都即刻變得與別不同～
燕窩流心棗
一上到枱嘅時候大家就已經忍唔住係咁圍住嚟不停影，因為將燕窩放入煎堆入面，面頭再加上金箔，另外店員亦淋水到乾冰釋出煙幕，絕對係全晚嘅打卡焦點😂咁貪靚鍾意養顏嘅我梗係唔執輸食返舊啦～
南瓜清甜湯
超濃郁嘅南瓜蓉做成湯底再加入湯圓，呢個甜品真係甜入心❤️好難得一個甜品可以食到中韓合壁，真係無得頂～
PS終於知道係中大申請恒生信用卡有咩好處了🤤係八月花食「粵韓新食」系列菜式有額外85折，係85折呀😍各位朋友真係要多謝我慳咗幾舊水😎聽講呢個系列好似做到6月13號咋
张贴
